«Қазіргі қазақ тіліндегі діни терминдер» атты онлайн-конференция өтеді

«Қазіргі қазақ тіліндегі діни терминдер»  атты онлайн-конференция өтеді
Қазақстан Республикасы Мәдениет және спорт министрлігі Тіл саясаты комитетінің тапсырмасымен Ш.Шаяхметов атындағы «Тіл-Қазына» ұлттық ғылыми-практикалық орталығы 2019 жылғы 3 желтоқсанда termincom.kz сайтындағы электрондық алаңда «Қазіргі қазақ тіліндегі діни терминдер» тақырыбында онлайн-конференция өткізеді.

Қазақстан Республикасы Мәдениет және спорт министрлігі Тіл саясаты комитетінің тапсырмасымен Ш.Шаяхметов атындағы «Тіл-Қазына» ұлттық ғылыми-практикалық орталығы 2019 жылғы 3 желтоқсанда termincom.kz сайтындағы электрондық алаңда «Қазіргі қазақ тіліндегі діни терминдер» тақырыбында онлайн-конференция өткізеді.

Еліміз тәуелсіздік алғаннан бері бүкіл халық болып, өз дінімізді, ділімізді, тілімізді дамытуға бет бұра бастадық. Осындай жауапты кезеңде сөз қолданыстарына, терминжасам мен аудармаға мұқият көңіл бөлу қажеттілігі туындады. Аталған конференцияда қазіргі қоғамымызда айрықша орын алатын дінтану саласына қатысты атаулар мен терминдерді біріздендіру мәселесіне арнайы тоқталмақпыз. Дінтану терминдерінің мағынасын дұрыс түсінбеу кей жағдайда адамдардың санасында дін туралы жағымсыз түсініктердің пайда болуына әсер етеді. Бұл онлайн-конференцияда теология терминдерін түсіндіру, оларды тұрақты жариялауды реттеу, біріздендіру мәселелері талқыланады.

Белгілі лингвист-ғалымдар және дін саласы мамандары қатысатын бұл онлайн-конференцияда салалық терминологиядағы дін саласы терминдерінің қордаланған мәселерін талқылау көзделіп отыр.

Тermincom.kz сайтының барша тіркелушілерін, тіл жанашырларын аталған сайтта өтетін онлайн-конференцияға қатысуға шақырамыз.

 

 

Байланыс телефоны: 8(7172) 27-30-42, 8775-541-09-89.